ထံၣ်ဘံၣ်စံၣ်န့ၣ်အခဲအံၤဃုထၢပှၤမၤတၢ်ဖိအသီလၢပှၤနဲၣ်တၢ်ခိၣ်အသီတဂၤအဂီၢ်. ဒ်သိးလၢကဖးဘၣ်တၢ်မၤအံၤအတၢ်မၤမူဒါတဖၣ်ဃုၥ်ဒီးတၢ်ဘိးဘၣ်ရၤလီၤလံၥ်တီၣ်ထီၣ်တၢ်မၤအကျိၤအကျဲအဂီၢ်န့ၣ်, ၀ံသးစူၤဆီၣ်လီၤဖဲအံၤ. တၢ်ပတံထီၣ်တၢ်မၤအစဲၤခံကတၢၢ်ကမ့ၢ်၀ဲဖဲလါအီးကထိဘၢၣ် ၂၂, ၂၀၂၃နံၣ်န့ၣ်လီၤ.
အလဲအံၤတၢ်ခွဲးတၢ်ယၥ်လီၤသူၣ်ပိၢ်သး၀းအိၣ်လံလၢတၢ်အိးထီၣ်တၢ်ဃုထၢပှၤနဲၣ်တၢ်ခိၣ်အသီလၢကပၢဆှၢရဲၣ်ကျဲၤတၢ်ကရၢကရိဃုၥ်ဒီးပှၤပၢဆှၢရဲၣ်ကျဲၤတၢ်ခိၣ်နၢ်ကရူၢ်လၢအိၣ်ဒီးတၢ်လဲၤခီဖျိတဖၣ်. ထံၣ်ဘံၣ်စံၣ်အတၢ်မၤအကါဒိၣ်၀ဲလီၤဆီဒၣ်တၢ်ဖဲလၢကီၢ်ပယီၤပူၤတၢ်အိၣ်သးတဂၢၢ်တကျၢၤဒီးပှၤဃ့ၢ်မှံဟးဖျိးတဖၣ်အါထီၣ်၀ဲ, အခါဖဲလၢအပူၤကွံၥ်တယံၥ်ဒံးဘၣ်ထံဂူၢ်ကီၢ်သဲးတၢ်အိၣ်သးဂုၥ်ထီၣ်ပသီထီၣ်လၢကၠီၣ်တဲၣ်ကီၢ်ပူၤလၢဟ့ၣ်တၢ်ခွဲးတၢ်ယၥ်လၢကမၤအါထီၣ်ဒီးဂုၥ်ကျဲးစၢးသပှၢ်ပှၢ်လၢတၢ်ကအိၣ်ဒီးတၢ်ခွဲးတၢ်ယၥ်ဒီးတၢ်ကဟုကယၥ်လၢပှၤကီၢ်ပယီၤဘၣ်ကီဘၣ်ခဲတဖၣ်အဂီၢ်န့ၣ်လီၤ.
ပှၤနဲၣ်တၢ်အခိၣ်ကဘၣ်မ့ၢ်-
ခိၣ်နၢ်လၢအမၤတၢ်လၢတၢ်မၤစၢၤပှၤဂ့ၢ်၀ီတၢ်လိၣ်ဘၣ်လၢအဖျိးစိတဂၤ အိၣ်ဒီးတၢ်ဟ့ၣ်လီၤသးဒီးတၢ်သ့တၢ်ဘၣ်လၢတၢ်မၤစၢၤမၤဂ့ၤထီၣ်ထံၣ်ဘံၣ်စံၣ်အတၢ်အၢၣ်လီၤလၢကမၤဂ့ၤထီၣ်မၤသီထီၣ်တၢ်ဒီးမ့ၢ်ပှၤလၢအပၥ်ဂံၢ်ခီၣ်ထံးကမျၢၢ်လၢတၢ်အကါဒိၣ်ဃုၥ်ဒီးတၢ်ဒုးအိၣ်ထီၣ်ကျဲလၢတၢ်မၤဃုၥ်မၤသကိးတၢ်ဒီးကရၢမၤသကိးတၢ်လၢလီၢ်က၀ီၤပူၤတဖၣ်, တဘျီဃီဃုၥ်ဒီးဟ့ၣ်ထီၣ်အတၢ်ထံၣ်တၢ်ကွၢ်စိဒီးအတၢ်ကဲခိၣ်ကဲနၢ်ပၢဆှၢနဲၣ်ကျဲတၢ်လၢတၢ်မၤရဲၣ်ကျဲၤခိၣ်သ့ၣ်/တၢ်သိၣ်တၢ်သီအပတီၢ်ဖဲလၢအမၤသကိးတၢ်ဒီးပဒိၣ်, ပှၤဟ့ၣ်မၤစၢၤကျိၣ်စ့တဖၣ်, UN ကရၢတဖၣ်, ပှၤမၤတၢ်လၢထံကီၢ်တအိၣ်ဘၣ်တဖၣ်, သဘျ့ကရၢတဖၣ်ဒီးဂံၢ်ခီၣ်ထံးကမျၢၢ်ကရၢတဖၣ်လၢအအိၣ်လၢတၢ်သဘံၣ်ဘုၣ်ဒီးတၢ်လဲလိၥ်သးညီခိၣ်ဃၢၤ၀းတရံးတၢ်အိၣ်သးတဖၣ်အပူၤန့ၣ်လီၤ.
အိၣ်ဒီးတၢ်သူၣ်ဆူၣ်သးဂဲၤလၢအဒိၣ်အယိၥ်ဘၣ်ဃးတၢ်မၤစၢၤပှၤဘၣ်ကီဘၣ်ခဲအတၢ်လိၣ်ဘၣ်တဖၣ်ဒီးအိၣ်ဃုၥ်ဒီးအတၢ်သ့တၢ်ဘၣ်လၢကဟ့ၣ်သခူထီၣ်ကရၢမၤသကိးတၢ်တဖၣ်ဒ်သိးလၢကဟ့ၣ်မၤစၢၤပှၤဘၣ်ကီဘၣ်ခဲအတၢ်လိၣ်ဘၣ်တၢ်မၤစၢၤအဂီၢ်န့ၣ်လီၤ.
တၢ်ပၢဆှၢတၢ်အကျဲလၢတၢ်တဲန့ၢ်ခဲးတၢ်သပှၢ်ပှၢ်ဃုၥ်ဒီးပှၤလၢအဘၣ်ထွဲမၤသကိးတၢ်တဖၣ်ခဲလၢၥ်ဖဲလၢမၤဂ့ၤထီၣ်ပှၤဟ့ၣ်မၤစၢၤတၢ်ဖိလီၤဆီလိၥ်သးတဖၣ်အတၢ်ဆီၣ်ထွဲမၤစၢၤဒ်သိးလၢကဆီၣ်ထွဲမၤစၢၤထံၣ်ဘံၣ်စံၣ်အတၢ်မၤအကျဲလၢစံးဆၢက့ၤပှၤဃ့ၢ်မှံဟးဖျိးလၢအဟဲလၢကီၢ်ပယီၤဒီးလၢအအိၣ်လၢကီၢ်ပယီၤအပူၤတဖၣ်န့ၣ်လီၤ.
ဟ့ၣ်မၤစၢၤကွၢ်ထွဲပှၤပၢဆှၢရဲၣ်ကျဲၤတၢ်ခိၣ်နၢ်ကရူၢ် (SMT) လၢတနံၤဘၣ်တနံၤအတၢ်ပၢဆှၢရဲၣ်ကျဲၤတၢ်လၢထံၣ်ဘံၣ်စံၣ်အတၢ်ရဲၣ်တၢ်ကျဲၤတဖၣ်အပူၤဒီးတၢ်ကရၢကရိအတၢ်ဂုၤထီၣ်ပသီထီၣ်အပူၤ, ဃုၥ်ဒီးမၤလီၤတံၢ်ကျိၣ်စ့အတၢ်ဂၢၢ်တၢ်ကျၢၤဒီးတၢ်ခါဆူညါအတၢ်ဘၣ်ထွဲလၢဘၣ်လိၥ်သးတဖၣ်အဂီၢ်.
