စးထီၣ်လၢသုးမီၤစိရိၤဟံးန့ၢ်ဆူၣ်တၢ်စိတၢ်ကမီၤဖဲလါဖ့ၤဘြူၤအါရံၤ ၁သီန့ၣ်, ပှၤဘၣ်ကီဘၣ်ခဲအိၣ်၀ဲလၢအကလးဘၣ်အိၣ်လၢကီၢ်ကၠီၣ်တဲၣ်ဒီးကီၢ်ပယီၤကီၢ်ဆၢန့ၣ်လီၤ. အ၀ဲသ့ၣ်အတၢ်အိၣ်သးတီၤပတီၢ်လၢအဖိးသဲစးတအိၣ်ဘၣ်လၢကအိၣ်လၢကီၢ်ကၠီၣ်တဲၥ်အပူၤဒီးဘၣ်တၢ်ဖီၣ်အီၤဒီးဆှၢဟးထီၣ်ကွံၥ်အီၤလၢကီၢ်ပူၤဖဲလၢကၠီၣ်တဲၣ်ပှၤဘၣ်မူဘၣ်ဒါတဖၣ်မ့ၢ်ဖီၣ်အီၤန့ၣ်လီၤ. ခီဖျိလၢတၢ်ကလဲၤဆူအအိၣ်ဒီးတၢ်ကဒီသဒၢကဟုကယၥ်အီၤအဂီၢ်မ့ၢ်တၢ်လၢအကီခဲဒိၣ်မးဒီးတၢ်ကပၥ်ဖျါအ၀ဲသ့ၣ်အဂ့ၢ်အကျိၤလၢတၢ်ကစီၣ်သန့ပူၤလၢအ၀ဲသ့ၣ်ဘၣ်ကွၢ်ဆၢၣ်မဲၥ်တၢ်တၤတၢ်တဖၣ်န့ၣ်တၢ်ပၥ်ဖျါထီၣ်အီၤတသ့ဘၣ်တုၤလၢအခဲအံၤန့ၣ်လီၤ.
ဖဲလၢတယံၥ်ဘၣ်န့ၣ်ထံၣ်ဘံၣ်စံၣ်ထံၣ်လိၥ်သံကွၢ်သံဒိးတၢ်ဒီးဟံၣ်ဖိဃီဖိ ၃၅ဒူၣ်လၢကီၢ်ကၠီၣ်တဲၣ်ဒီးကီၢ်ပယီၤအကီၢ်ဆၢဒီတတီၤအပူၤလၢအယံၤ၀ဲအါန့ၢ် ၇၀၀ကံလိမံထၢၣ်ဒီးဟ့ၣ်လီၤ၀ဲလံၥ်က့လၢအိၣ်ဒီးတၢ်ကွဲးဒုးသ့ၣ်ညါတၢ်ဂ့ၢ်ဖုၣ်ဖုၣ်ဖိလၢအကွဲးပၥ်ဖျါလီၤတံၢ်လီၤဆဲးဘၣ်ဃးဟံၣ်ဖိဃီဖိအိၣ်လၢကီၢ်ဆၢလၢအကထိဃၣ်ဃၣ်တဖၣ်အတၢ်ဂဲၤပျုၢ်ဂဲၤဆှးလၢဘၣ်ကွၢ်ဆၢၣ်မဲၥ်၀ဲတဖၣ်န့ၣ်လီၤ. တၢ်အကါဒိၣ်တမံၤလၢအပၥ်ဖျါထီၣ်လံၥ်ပၥ်ဖျါအပူၤန့ၣ်မ့ၢ်တၢ်ဂ့ၢ်ဘၣ်ဃးအ၀ဲသ့ၣ်အနီၢ်ကစၢ်ဂုၥ်ကျဲးစၢးဆၢထၢၣ်လၢအခီၣ်သ့၀ဲလၢတၢ်လုၢ်အီၣ်သးသမူတၢ်ဖံးတၢ်မၤတဖၣ်အပူၤဒီးအိယဒီးတၢ်သးစွံကတုၤလၢတၢ်ဘၣ်ကွၢ်ဆၢၣ်မဲၥ်ဒီးတၢ်ကီတၢ်ခဲတဖၣ်န့ၣ်လီၤ. အ၀ဲသ့ၣ်အတၢ်အိၣ်သးလၢပူၤကွံၥ်တဖၣ်ဒီးအတၢ်အိၣ်မူတၢ်လဲၤခီဖျိတဖၣ်ဘၣ်သ့ၣ်သ့ၣ်ကမ့ၢ်တၢ်လၢအလီၤဆီလိၥ်သးဒိၣ်မး, ဘၣ်ဆၣ်အ၀ဲသ့ၣ်ကိးဂၤအတၢ်ခွဲးတၢ်ယၥ်မ့ၢ်တၢ်ဒ်သိးသိးဒီးအ၀ဲသ့ၣ်အကလုၢ်တဖၣ်ကဘၣ်တၢ်နၢ်ဟူအီၤန့ၣ်လီၤ.
လံၥ်ပၥ်ဖျါအ၀ဲအံၤဒုးနဲၣ်ဖျါထီၣ်အ၀ဲသ့ၣ်အတၢ်လဲၤခီဖျိတဖၣ်ဒီးမၤလီၤတံၢ်လၢတၢ်မ့ၢ်တတီၣ်ဖျါထီၣ်လၢတၢ်ကစီၣ်ပူၤသနၥ်က့, တၢ်တသးပ့ၤနီၣ်အီၤဘၣ်. လၢလံၥ်ပၥ်ဖျါအံၤအပူၤပၥ်ဖျါ၀ဲတၢ်ပဲၥ်ထံနီၤဖးဘၣ်ဃးပှၤဂ့ၢ်၀ီလိၣ်ဘၣ်တၢ်မၤစၢၤအတၢ်အိၣ်သးလၢအ၀ဲသ့ၣ်အတၢ်ဟဲတုၤအံၤဃီၤ, ဒီးတၢ်ပၥ်ဖျါတၢ်ဂ့ၢ်လီၤတံၢ်လီၤဆဲးဘၣ်တၢ်ပဲၥ်ထံနီၤဖးအ၀ဲသ့ၣ်အတၢ်အိၣ်မူတၢ်လဲၤခီဖျိဒီးတၢ်ပၥ်ဖှိၣ်တၢ်ဂ့ၢ်တၢ်ကျိလၢတၢ်သံကွၢ်သံဒိးလိၤလိၤအီၤဒီးပှၤဘၣ်ကီဘၣ်ခဲဖိတဖၣ်န့ၣ်လီၤ.
လံၥ်ပၥ်ဖျါတဘ့ၣ်အံၤဒုးသ့ၣ်နီၣ်ထီၣ်စ့ၢ်ကီးပှၤလၢပှၤအိၣ်လၢကီၢ်ဆၢဖၣ်အတၢ်အိၣ်မူအိၣ်ဂဲၤတၢ်အိၣ်သးမ့ၢ်တၢ်လၢအလုၢ်ဒိၣ်ပှ့ၤဒိၣ်ဒ်လဲၣ်န့ၣ်လီၤ. ထံၣ်ဘံၣ်စံၣ်မၤစၢၤတ့ၢ်လံပှၤတ၀ၢသ့ၣ်တဖၣ်အံၤစးထီၣ်လၢသုးမီၤစိရိၤဟံးန့ၢ်တၢ်စိတၢ်ကမီၤ, ဒ်လဲၣ်ဂ့ၤဂ့ၤပဘၣ်ကွၢ်ဆၢၣ်မဲၥ်ဒီးကျိၣ်စ့တၢ်မၤစၢၤလီၤစှၤတဖၣ်. တၢ်ဟ့ၣ်မၤစၢၤဂ့ၢ်ဂီၤအူတၢ်အီၣ်ဒီးတၢ်အိၣ်ကဒုလီၢ်အတၢ်လၢၥ်ဘူၣ်လၢၥ်စ့ၤလၢၥ်၀ဲ စ့၇ကကွဲၢ်(၁၉၀,၀၀၀ ဒီလၣ်)လၢတလါတီၢ်ပူၤ, ကအိၣ်၀ဲ စ့ ၉၀ကကွဲၢ်ဘး(၂,၅၀၀,၀၀၀ ဒီလၣ်) လၢဃုလါတီၢ်ပူၤန့ၣ်လီၤ.
သုမ့ၢ်အဲၣ်ဒိးမၤစၢၤန့ၣ်, ၀ံသးစူၤဆဲးကျိးဘၣ်ပှၤလၢသုတၢ်မၤစၢၤတၢ်လၢဂ့ၢ်ဂီၤအူတၢ်မၤစၢၤအဂီၢ်န့ၣ်တက့ၢ်.
ကဘၣ်ဖးလံၥ်ပၥ်ဖျါအဂီၢ်န့ၣ် ၀ံသးစူၤဆီၣ်လီၤဖဲအံၤတက့ၢ်.
VG8gZG93bmxvYWQgdGhlIHJlcG9ydCA8YSBocmVmPSJodHRwczovL3d3dy50aGVib3JkZXJjb25zb3J0aXVtLm9yZy93cC1jb250ZW50L3VwbG9hZHMvMjAyNC8wNS92b2ljZS1vZi1kaXNwbGFjZWQtMjAyNF8xMjA1MjQucGRmIiBkb3dubG9hZD5wbGVhc2UgY2xpY2sgaGVyZS48L2E+ICA=