ပှၤတဆိကမိၣ်နီတဂၤဖဲ ၁၉၈၄နံၣ်န့ၣ်ထံၣ်ဘံၣ်စံၣ်ကအိၣ်ဒံး၀ဲဖဲအံၤ မ့တမ့ၢ် တၢ်အအၢကတၢၢ်လၢပှၤဘၣ်ဃ့ၢ်မှံဟးဖျိးဖိလၢအကလးတဖၣ်ကဘၣ်အိၣ်ဒံး၀ဲဖဲအံၤလၢကီၢ်ပယီၤမုၢ်ထီၣ်ကလံၤထံးအပူၤဒီးကတးထီဃၥ်သးလၢဘၣ်ကီဘၣ်ခဲဒဲက၀ီၤပူၤလၢကီၢ်ကၠီၣ်တဲၣ်အပူၤန့ၣ်လီၤ. ပ၀ဲစ့ၢ်ကီးအခဲအံၤအိၣ်ဒံးဖဲအံၤဃုၥ်ဒီးတၢ်လိၣ်ဘၣ်လၢကီၢ်ပယီၤအပူၤဒ်လၢအလိၣ်ဘၣ်၀ဲဒိၣ်န့ၢ်ဒံးလၢညါန့ၣ်လီၤ.
ဘၣ်ဆၣ်ဖဲလၢပဆိၣ်ကမိၣ်ထံက့ၤတၢ်အိၣ်သးနးနးကျံၤကျံၤလၢကီၢ်ပယီၤအပူၤဒီးတၢ်အပှ့ၤလၢပှၤတ၀ၢဘၣ်ဟ့ၣ်န့ၣ်, ပအဲၣ်ဒိးမၤတၢ်သ့ၣ်နီၣ်လီၢ်က၀ီၤအတၢ်သူးသ့ၣ်လၤကပီၤ,ကရၢခၢၣ်စ၊ဒီးအတၢ်သးစွံကတုၤတဖၣ်လၢအမ့ၢ်ပှၤလၢအဆၢထၢၣ်ဃုၥ်ဒီးပ၀ဲထံၣ်ဘံၣ်စံၣ်လၢအနံၣ်လၢအဆံဘျဲၣ်တဖၣ်န့ၣ်လီၤ.
ဒ်လၢတၢ်မၤလၢကပီၤ ၄၀နံၣ်ဆဲးဆၢတဖၣ်အသိးန့ၣ်, ထံၣ်ဘံၣ်စံၣ်ဒုးအိၣ်ထီၣ်တၢ်ကတိၤဖျါတၢ်အလံၥ်ပၥ်ဖျါလၢအတဲဖျါတၢ်တဲတမ့ၢ်ထဲလၢထံၣ်ဘံၣ်စံၣ်တဖုဧိၤဘၣ်, ဘၣ်ဆၣ်တဲဖျါဃုၥ်ဒီးပှၤထံဖိကီၢ်ဖိကရၢတဖၣ်အတၢ်မၤမူဒါလၢတၢ်မၤစၢၤပှၤလီၢ်အိၣ်ကမှံတ၀ၢဖိတဖၣ်လၢအိၣ်လၢကီၢ်ဆၢလၢကီၢ်ပယီၤဒီးကီၢ်ကၠီၣ်တဲၣ်ခံခီပၤလၢၥ်န့ၣ်လီၤ. ဒုးနဲၣ်ဖျါထီၣ်တၢ်အက့ၢ်အဂီၤဘၣ်ဃးထံၣ်ဘံၣ်စံၣ်အတၢ်လဲၤကျဲစးထီၣ်လၢတၢ်ဒုးအိၣ်ထီၣ်အီၤဒီးဒိၣ်ထီၣ်၀ဲတုၤလၢကဲထီၣ်တၢ်ကရၢကရိလၢပသ့ၣ်ညါအီၤလၢဆၢကတီၢ်ခဲအံၤန့ၣ်လီၤ. တၢ်တ့လီၤ၀ဲ ၄၀နံၣ် တနံၣ်တဘျီတၢ်ပၥ်ဖျါတဖၣ်အပူၤန့ၣ်, ကွဲးစ့ၢ်ကီး၀ဲထံၣ်ဘံၣ်စံၣ်တၢ်ကရၢကရိအဂ့ၢ်အကျိၤခီၣ်ထံးခီၣ်ဘိတဖၣ်ဒ်သိးလၢတၢ်ကထံၣ်အီၤလၢတမ့ၢ်ထဲလၢတၢ်မၤမူးတခါလၢကီၢ်ပယီၤဒီးကီၢ်ဆၢအပူၤဘၣ်. ဘၣ်ဆၣ်ကပၥ်ဖျါထီၣ်တၢ်အကါဒိၣ်ဘၣ်ဃးဟီၣ်ခိၣ်ဒီဘ့ၣ်အတၢ်တူၢ်လိၥ်အါထီၣ်အတၢ်ဂံၢ်ဆူၣ်ဒီးပှၤဘၣ်ကီဘၣ်ခဲဖိအတၢ်ပၢဆှၢလီၤအသးအကျိၤအကျဲတဖၣ်န့ၣ်လီၤ. တၢ်အံၤဒုးနဲၣ်ဖျါလၢလီၢ်က၀ီၤဘၣ်ကီဘၣ်ခဲအပှၤမၤသကိးတၢ်ကရၢတဖၣ်ဒုးအိၣ်ထီၣ်အတၢ်ဂုၤထီၣ်ပသီထီၣ်အကျိၤပကျဲတဖၣ်ဒီးတၢ်ရဲၣ်တၢ်ကျဲၤတဖၣ်လၢတၢ်မၤအီၤလၢဟီၣ်ခိၣ်ဒီဖျၢၣ်ဒီးဒုးနဲၣ်ဟီၣ်ခိၣ်ဒီဘ့ၣ်ပှၤတ၀ၢလၢကျဲအဂ့ၤဒိၣ်ထီၣ်အိၣ်၀ဲလၢတၢ်ဟ့ၣ်လီၤမၤစၢၤပှၤဂ့ၢ်၀ီလိၣ်ဘၣ်တၢ်မၤစၢၤတဖၣ်အဂီၢ်ဒိၣ်န့ၢ်လၢတၢ်ကမၤန့ၢ်အ၀ဲသ့ၣ်တၢ်ဒီးတၢ်မၤတၢ်ဒီးအ၀ဲသ့ၣ်န့ၣ်လီၤ.