ထံၣ်ဘံၣ်စံၣ်ပၥ်ဖျါအတၢ်မၤရဲၣ်ကျဲၤခိၣ်သ့ၣ်အတၢ်ရဲၣ်တၢ်ကျဲၤလၢ၂၀၂၃-၂၀၂၅ အဂီၢ်န့ၣ်အိၣ်လံလၢ ပယီၤကျိၥ်, ကညီစှီၤကျိၥ်, ကၠီၣ်တဲၣ်ကျိၥ်ဒီးအဲကလံးကျိၥ် လံ. တၢ်ဟ့ၣ်ကူၣ်ဟ့ၣ်ဖးအကျိၤအကျဲမၤလီၤတံၢ်တၢ်အကါဒိၣ်ဘၣ်ဃးထံၣ်ဘံၣ်စံၣ်အတၢ်ထံၣ်, တၢ်မၤ, တၢ်ပၥ်လုၢ်ပၥ်ပှ့ၤခိၣ်သ့ၣ်တဖၣ်ဒီးတၢ်မၤခိၣ်သ့ၣ်မိၢ်ပှၢ်တဖၣ်. တၢ်ပဲၥ်ထံနီၤဖးဒုးနဲၣ်၀ဲတၢ်လီၤဘၣ်ယိၣ်လၢပှၤကညီအတၢ်ဘံၣ်တၢ်ဘၢလၢအအိၣ်လၢတၢ်ဘၣ်ဂံၥ်ဂူၥ်ကဲထီၣ်အလီၢ်ဒီးပှၤလီၢ်က၀ီၤဖိလၢအဘၣ်ဃ့ၢ်မှံဟးဖျိးတဖၣ်လၢအအိၣ်လၢကီၢ်ဆၢခံခီပၤလၢၥ်အဂီၢ်. ထံၣ်ဘံၣ်စံၣ်အၢၣ်လီၤလၢကဆဲးမၤပိၥ်ထွဲအတၢ်မၤရဲၣ်ကျဲၤခိၣ်သ့ၣ်လွံၢ်ထံၣ်အတၢ်နဲၣ်ကျဲတဖၣ်အံၤန့ၣ်လီၤ.
- မၤတၢ်အကါဒိၣ်လၢပှၤဂ့ၢ်၀ီလိၣ်ဘၣ်တၢ်မၤစၢၤလၢတၢ်ကဘၣ်မၤအီၤတဘျီဃီ
- မၤဆူၣ်ထီၣ်တၢ်သးစွံကတုၤလၢကကွၢ်ဆၢၣ်မဲၥ်တၢ်အဂီၢ်ဒီးတၢ်က့ၤဘၣ်လီၢ်ဘၣ်စးက့ၤမၤဂ့ၤထီၣ်က့ၤတၢ်
- မၤဂ့ၤထီၣ်တၢ်ဒီသဒၢကဟုကၥယၥ်တၢ်ဒီးတၢ်ပူၤဖျဲးလၢခါဆူညါတဖၣ်ဂီၢ်
- မၤဆူၣ်ထီၣ်လီၢ်က၀ီၤအတၢ်ပၢတၢ်ပြးတၢ်
လၢတၢ်လီၤဘၣ်ယိၣ်အဘၢၣ်စၢၤအံၤ, ထံၣ်ဘံၣ်စံၣ်ကိးထီၣ်ပှၤဘျးစဲမၤသကိးတၢ်, ပှၤဟ့ၣ်မၤစၢၤကျိၣ်စ့တဖၣ်ဒီးကရၢမၤသကိးတၢ်တဖၣ်လၢကဆီၣ်ထွဲမၤစၢၤတၢ်မၤကိညၢ်ထီၣ်တၢ်လီၤဘၣ်ယိၣ်တဖၣ်, ကျိၣ်စ့တၢ်မၤရဲၣ်ကျဲၤခိၣ်သ့ၣ်ဒီးမၤဆူၣ်ထီၣ်ပှၤတ၀ၢအတၢ်ပၢဆှၢတၢ်အတၢ်ရဲၣ်တၢ်ကျဲၤတဖၣ်.
